Меѓународен турнир во фудбал - Анталија, Турција

   (октомври 2004 г.)

 

 

      Фудбалската репрезентација на СО Македонија за прв пат зеде учество и на меѓународниот турнир во голем фудбал кој беше организиран од страна на СО Турција и СОЕЕА на ниво на регионот Европа/Евроазија.

 

      На овој турнир, на кој беше планирано да учествуваат 16 екипи/земји, по откажувањето на некои од нив, учествуваа 12 екипи од 9 земји: Турција (настапи со 3 тима A, B и C), Русија, Полска, Македонија, Унгарија, Данска, Кипар, Босна и Херцеговина, Белгија и Австрија. Тимовите беа поделени во две дивизиони групи, според квалитетот на досегашнот рејтинг, а нашиот тим беше во првата дивизија. Делегација на СО Македонија беше составена од вкупно 20 членови, и тоа: 16 атлети од повеќе клубови на СОМ ширум Републиката, 1 водач на делегацијата, 1 главен тренер и 2 тренери - помошници.

 

      Самото гостување и учеството на делегацијата на СО Македонија на еден ваков турнир е од големо значење не само за атлетите, тренерите и другите членови на делегацијата, туку и за сите други атлети и клубови на СОМ во Македонија. Јасно чувствувајќи ја тежината а воедно убавината на големиот фудбал, сите се здобија со нови искуства на спортското поле, но не изостанаа и сите други сегменти: дружење, смеа, забава, посета на културно-историски знаменитости, а пред сè креирање на нови трајни познанства.

 

      Имајќи предвид дека ова е наше прво искуство во играње голем фудбал на вака значајно првенство, на крајот, со освоеното 5 место на ниво на регионот Европа-Евроазија, фудбалскиот тим на СО Македонија успеа да се закити со уште еден голем успех.

 

 

< претходен настан  |  галерија  |  нареден настан >

   

  Специјална Олимпијада Македонија © Сите права се задражани 2006.