Европска фудбалска недела

   (април 2005 г.)

      Во рамките на веќе традиционалната и голема паневропска манифестација “Европската фудбалска недела”, што е во рамките на сеопфатните европски заложби на СО и националните СО програми за поголем развој на овој спорт, во координација со УЕФА, Фондацијата на Јохан Кројф, како и националните федерации, а под покровителство на Агенцијата за млади и спорт, по третпат и нашава земја се вклучи во реализацијата на планираните заеднички активности.

      Подготвителните активности за оваа манифестација отпочнаа уште во текот на март (интензивен тренажен процес, обука  и контролни натпревари), продолжувајќи во април со повеќе одиграни натпревари помеѓу екипи од Специјалната Олимпијада - Македонија, како и неколку ревијални натпревари, а завршија со голем пролетен НАЦИОНАЛЕН ФУДБАЛСКИ ТУРНИР. Од посебно значење за сите е тоа што оваа година турнирот беше во заедничка организација на СО Македонија и СОМ Клубот ”Пелистер” од Битола.

Турнирот се одржа на 28 април на Градскиот стадион ”Тумбе кафе” во Битола. Учество зедоа 22 екипи во официјалниот дел и 8 екипи во ревијалниот дел од цела Македонија, односно преку 300 атлети, како и голем број стручни лица, волонтери, фамилии и др.

      Особено сме задоволни што на овој турнир беа промовирани новиот Амбасадор за фудбал на СО Македонија, Ѓоко Хаџиевски, како и Амбасадорот за музика на СО Македонија, новата македонска музичка ѕвезда, Дејан Попов. Репрезентацијата на СО Македонија, која е европски првак во фудбал, одигра ревијални натпревари со поранешни и сегашни репрезентативци на Македонија, како и со младинците на ФК ”Пелистер” од Битола.

      Ова беше уште една убава можност сите наши атлети да ги покажат на практичен начин стекнатите вештини, способности, можностите и достигнувањата.

< претходен настан  |  галерија  |  нареден настан >